Galleri Nauthydlaren – heimesida til Marit Elisebet H. Totland. Her finn du maleri sortert i menyen og fortløpande nedanfor. Velkomen til å kvila augo – og til å handla.

Desse bilda er 24×30 cm, inklusiv ramme 5cm. Dei er malte på malepapir med akryl. Maleiria har gamle, rustikke trerammer som har fått ein makeover.

Kr 1000 pr stk.

30×60 cm, akryl på lerret, 4 cm djupt, kr 3000,-

Det blir uendeleg mange maleri med etittelen «Håp». Fordi eg treng det.

Dette er 18×30 cm. (Med smal svart ramme og passpartout 30x40cm), kr 1500,-

Eit av dei maleria som har henge lengst på veggen i galleriet, fekk ny eigar i går. Her er «syskebarnet» til det bildet som flytta ut i går.

Dette er 50×60 cm, kr 2500,-. Det kan setjast i sølvfarga sveveramme (+400,-).

Eit tidleg maleri, i olje. Vår kjære strand; Sandvesand, med ein del innmalte symbol 😉

Bildet er 75×80 cm i sølvfarga sveveramme, kr 3000,-

Eg har strevd med å fotografera maleri med mørke blå- og grønfargar. Kameraet på den nye mobilen gjengir dei slik eg at kan presentera dei. Her er eit knippe.

Me treng håpet. Sommarfuglen er symbol for forvandling og håp.

Det må ikkje gøyma seg no!

Bildet har ein diameter på 40 cm, akryl på lerret, kr 1800,-

I vår stod utstillinga «Samspel» på biblioteket på Husnes fordi me – ein gjeng lokale kunstnarar som har slått oss saman – hadde lyst å visa fram det mangfaldige arbeidet vårt. Takk til alle som kom innom og gav så oppmuntrande heiarop.

4x20x50 cm, kr 1000,-

4x50x50 cm, kr 2500,-

Etter 100 dagars malepause, blei det nye paraplyar. Men med nytt innhald. For her er håpet tydelegare enn før: Mitt Soria Moria. Og håpet der framme, om fred, måtte vera i gull, ekte gull. Så ekte du får det i bladgull.