Kategori: Ukategorisert

Sjølvsagt kan ein paraply ha politisk bodskap

Det er ikkje blitt nye maleri etter jul. Eg kan skulda på manglande inspirasjon og at det er kaldt i galleriet. Men det er nok heller slik at arbeidet med ny bok har tatt all tida. Og alle tankane. Kjeldene fører meg langt avstad, og ein liten detalj som skal stå på ei linje eller to, kan det ta ein dag, ja, fleire dagar å få på plass. Men nokon puslar med puslespel. Eg puslar med historie. Så ein gong blir boka klar. Den har arbeidstittelen: Husmann og prest på Falnes.

Undervegs finn eg mykje som overraskar meg, m a

• husmenn kunne vera skipsreiarar
• inrullerte i sjømillitære var fritatt for bøtlegging om dei gjorde ei jente gravid
• det finnes ein ukjend kjendis frå Beiningen
• det er laga ein eigen lov, berre for Skudenes
• husmennene på Falnes var ikkje som husmennene austpå
• mennene som fekk stemmerett måtte avleggja eid til konstitusjonen
• oldefar overlevde fordi han ikkje kunne symja

Og her må eg stoppa, så eg ikkje røper kva boka handlar om. Legg eg bit for bit på plass, er nok heile bildet klart ein gong.

Imens må du gjerne sjå innom på sida som du finn i menyen over: Bilde til sals. Der finn du blanda drops. Kanskje det er noko for din smak mellom dei vel 150 maleria som ligg der?

I menyen finn du også oversikt over korta med malerimotiv – om du vil senda nokre gode ord til ein ven, eller rett og slett ramma inn eit kort, og vipps; så har du eit lite bilde.

Sommarfuglen er det flottaste symbolet for håp. – Fordi me kan tolka det som me vil. Berre som eit ønskje om betre tider, eller som håp om noko som kjem etter dette livet, det nye livet. Eller er ein kan rett og slett kvila auga på sommarfuglen, fordi han er fin å sjå på.

Kintsukuroi – den japanske kunsten å reparera med gull, gir ein ny dimensjon til sommarfuglsymbolet.

Fleire fargeglade paraplyar ligg under «Uselde paraplyar» i menyen-

Hausten byr på både vemod og håp, heldigvis. – Maleriet er 30×40 cm, kr 1400,-

Fleire paraplybilete ligg under Uselde paraplyar i menyen.

Dette malte eg til Skudefestivalen. Men sjøhuset midt i bildet var då lyseblått/grått. Sidan eg no veit at det var oker, har eg gitt det eit nytt strok, heilt utan å bruka stige. Bildet er av det store slaget 1 meter x 1 meter, og er mellom dei få eg har med «stor pris», kr 20 000.