Maleri – Galleri Nauthydlaren – bok og bilde frå Marit Elisebet H. Totland

Så regna det igjen

Desse maleria er 20×20 cm, kr 400. ( I sølvfarga svevramme, + 100,-)

Fleire paraplybilde finn du under merkelappen «paraply» eller om du skriv «paraply» i søkefeltet øvst på sida.

Pingvinvisdom

Pingvinane søkjer saman , skiftar på å stå ytst, og vernar dermed både om seg sjølv og felleskapet.

Skip til alle tider

Mot hamn – når sola sloss med skodda.

Dei fleste bilda kan leverast med sølvfarga sveveramme for eit tillegg på kr 150,-

Lengt mot nordlegare strok!

Når ein ein gong har budd i nordlegare strok, vil ein av og til lengta nordover til lyset der.

Kintsukuroi – å reparera med gull.

Når alt går i knas, når sjølve livet går i knas, kan alt synast håplaust. Då ligg bitane der, som ei kjeramikk-krukke som er blitt knust. Det er ikkje eit vakkert syn. Bitane kan ikkje brukast til noko.

Kjeramikk-krukka kan vel limast, men blir aldri som før. Likevel er det håp. Med kintsukuroi kan den bli ny, – og kanskje både finare og sterkare.

Kintsukuroi er ein japansk kunst der ein limer kjeramikk med gull.

Eg kombinerer denne japanske kunsten med sommarfuglsymbolet i desse maleria. Sommarfuglen er eit kraftfullt symbolet for fornying og forvandling. I trua mi er det også symbol på oppstandelsen og det evige håpet, slik me finn det på gamle støypejernskrossar på gravplassane.

Dermed måtte det bli sommarfuglane som kjem med gullet som skal brukast til å reparera det knuste karet.